Changement Et Permanence Du Patrimoine Matériel Et Immatériel : Le Cas De La Poterie Dans La Région De Boghni
Résumé: Asentel-nneɣ, yuwi-d ɣef userwes gar uxeddim n taleɣt aqbur d uxeddim n taleɣt atrar, deg temnaḍt n Buɣni d taddart n Ḥelwan i d-yezgan deg lεerc n Wat Smaεel, deg tɣiwant n Bunuḥ. I wakken ad nessiweḍ ɣer lebɣi-nneɣ, yuwi-d fell-aɣ ad nexdem tasnant, ad nɣer ammud n yidlisen i d-yeslayen ɣef tgemmi-a. Nerza ɣer taddart n Ḥelwan, ɣer kraḍ n twaculin akken ad nwali s lqerban tilawin n taddart-agi amek i xeddment taleɣt d wamek i meslent. Deg uḥric-a, ur nufi ara uguren, tiwaculin sterḥbent yis-nneɣ, muggrent-aɣ-d s wudem yennecraḥen. Nhegga kra n yisteqsiyen akken ad negzu amecwar i d-ttawint tlawin n taddart, akken ad meslent ijeqduren n taleɣt. Taddart, s umata, teṭṭef deg tmeslayt d yinsayen i aɣ-id-ǧǧan lejdud-nneɣ am tlawin-agi i ṭṭfent deg tmamekt n umsal, deg useddu n urmud-agi i d-lemdent ɣer tyemmatin-nsent. Dayen i nwala s wallen-nneɣ : ulac d acu i ibeddlen d wamek i ttemsalent ama d ayen yeεnan allalen i semrasent ama d ayen yeεnan akal n umsal (asbeddi n ujeqdur, arqem d wuɣud). Armud-agi, xas akken d taqburt maca mazal-itt s wazal-is. Aṭas n yimdanen i issexdamen tiɣawsiwin i xeddmen s taleɣt. Nuɣal-d ɣer teɣremt n Buɣni, nerza ɣer tnemselt n Mass Σamiri. Tikkelt-a, ad nwali axeddim n taleɣt maca s wudem atrar. Am wakken deg taddart n Ḥelwan, nsedda tasestant s tdiwennit i d-nuwi akked bab n tnemselt d yixeddamen-is. S temlilit-a, nessaweḍ ad nwali, ad negzu acu n umgired yellan gar sin n yifuras-a (taleɣt d uqelal). Asemguri, yessuffeɣ-d lḥirfa-agi n taleɣt seg uxxam, yefka-as udem-niḍen, udem atrar. Allalen i semrasen deg tnemselt-agi n Buɣni, iεawen d ayen kan deg unerni n leqdic-a. Deg unadi-nneɣ, nemlal-d d yiwet n tbudert i d-yuwin amaynut i lḥirfa-agi. Aṭas n leṣnaf i d-tesnulfa. Γer taggara n tezrawt-nneɣ, nessaweḍ ad nexdem aserwes gar wudem aqbur d wudem atrar n tgemmi-agi. Tamlilt n tmeṭṭut, meqqret dayen kan deg wayen yurzen aseḥbiber ɣef takkest n lejdudnneɣ. Yis-s i nessaweḍ ad nessin agerruj n yidles amaziɣ d tmetti-nneɣ, s umata. Tameṭṭut taqbaylit, d taεessast n tgemmi taqbaylit. Tameṭṭut, d ajerrid n tuqqna gar zik d tura
Mots-clès:
Nos services universitaires et académiques
Thèses-Algérie vous propose ses divers services d’édition: mise en page, révision, correction, traduction, analyse du plagiat, ainsi que la réalisation des supports graphiques et de présentation (Slideshows).
Obtenez dès à présent et en toute facilité votre devis gratuit et une estimation de la durée de réalisation et bénéficiez d'une qualité de travail irréprochable et d'un temps de livraison imbattable!
Aucun fichier associé
Si le fichier est volumineux, l'affichage peut échouer. Vous pouvez obtenir le fichier directement en cliquant sur le bouton "Télécharger".
