Art Culinaire Et Savoir-faire Féminin Domestique Chez La Nouvelle Génération

Résumé: Ɣer leqbayel, učči d tigawt tamettit d tdelsant, deg tiram i ten-yerzandeg tudert n twacult, ama deg tudrin, ama deg l3erc. Tiram timensayin i d-ttheggint tlawin, s3ant azal i tɣerma d talsa anda imdanen seḥbibiren akken ad d-ǧǧen taẓuri n usewwi i tsutwin i d-iteddun. Aṭas n tlawin d tlemzyin i nesteqsa, nufa ssnent tiram timensayin n leqbayel anda i aɣ-dbedrent: seksu, tiḥbulin, tiɣrifin, timsemdin n leḥwal, tiɣrifin n leḥwal, aɣrum, aɣrum n leḥwal, tamtunt, tacewwaḍt, seksu d tɣeddiwt, aɣrum n ucraw, aɣrum n lebsel, seksu s yiɣi d sker, seksu d yikil, ikil d uɣrum, aɣrum n bibras, iniɣman d zzit, ifelfel, askaf d waṭas niḍen. Tigelliwin-agi, mazal-itent, ar ass-a deg tmetti n wass-a, nessen-itent s ttawil n lejdudnneɣ. Nwala deg tewart-agi, aṭas i yessnen tigelliwin-a d acu kan ur tent-sewwayen ara imi ass-a kecment-d tgelliwin i d –tewwi tetrarit ɣer leqbayel. Asewwi ɣer leqbayel, d asewwi amagam, ɣur-s tankelwit acku tettbeddil deg temnaḍt ɣer tayeḍ, deg taddart ɣer tayeḍ. Ass-a, mazal insayen-agi acku llant tlawin i iḥerzen tigelliwinagi imi cuddent ɣer tmagit n yimaziɣen. Ihi, taylawt, tettwaxdam s tyemmat ɣer yelli-s, ay-agi nwala-t deg yisteqsiyen i asent-nefka i tlawin. Taylawt-agi, tewwi tamlilt tameqrant deg tgemmi tamensayt d tdelsant n leqbayel d useḥbiber-ines s ɣur tisutiwin. Nezmer ad d-nini, tiram timensayin, newwi-tent-id deg tfellaḥt i yeggten ass-a, deg tmurt n leqbayel, d tin i d-yettaken tanga tamezwarut i tgelliwin-a. Ass-a, ma tenniḍ tafellaḥt am wakken tebdreḍ-d tamdamsa imi tafelleḥt tcudd ɣer tdamsa. Nezmer ad d-nini, tadamsa n leqbayel d tigejdit deg yirmad n tnezzut. Ay-agi, yella-d deg ufares n wallalen n tenḍi imensayen akked usnulfu n waṭas n yifecka. Tafellaḥt, tesɛa tamlilt deg tdamsa, deg talliyin tiqburin ɣer leqbayel. Tadamsa-agi, d tin yuɣalen ɣer deffir deg mi tɛedda temkarsa tafransist, deg tasut tis 19. Tafellaḥt d tenḍi akked yifarisen imensayen, ur ṭṭifen ara adeg i asen-ilaqen acku tamkarsaagi i d tamentilt n uɣelluy n tdamsa taqbaylit. Aɣelluy-agi n tdamsa, yedda akked uɣelluy n waṭas n tmeẓriwin deg tgemmi tadelsant d usewwi; yewwi-d daɣen anekcum n tetrarit deg tiram n usewwi d tesudas tidemsanin. Abeddel-agi, d win iyembawlen tamurt n leqbayel deg yinsayen-is. Abeddel-agi, yessaweḍ anda tilmezyin smenyafent tagella taberranit n wass-a ɣef tin i d-ǧǧan lejdud-nsent, anda ass-a tamudemt tadamsant tettwaṛṛez, ur tufi ara iman-is deg tmurt n leqbayel.

Publié dans la revue: