Awenni D Uzdadɣar : Asulu D Tezrawt Deg Teqbaylit : Tameslayt N Weqqas

Résumé: Leqdic deg tezrawt-a yerza s umur ameqqran tafyirmant s umata, i itekkin deg taɣult n tesnilest, anida i nessuk tiṭ s umata deg akk ayen yerzan iswiren d wayen i d-yezzin i unnar-a (tafyirmant), anda i d-newwi ɣef uskan n tenfaliyin-is, “awenni neɣ imu qqaren tinfaliyin tukrifin”, i yebnan ɣef waṭas n yiferdisen yedduklen, i yesɛan tawuri am yiwet n tayunt tutlayant, anida deg-s ma yella nekkes-as awal neɣ nbeddel awal s wawal-nniḍen ɣas akken d amegdawal-is, neɣ nbeddel imukan n wawal s usezwer neɣ s uwexxer, ad as-iruḥ unamek-ines ukrif wa ad tuɣal d tanfalit tilellit ur telli d tukrift, acku tayunin-is timawalanin qqnent wa gar-asent kerfent, kerfent ama deg talɣa neɣ deg unamek, i d-yettakken anamek d ukrif d uffir ɣef unamek-nni amezwaru anasli, neɣ n unamek n yiferdisen mara ad d-ilin yal yiwen iman-is, akked “azdadɣar” i yettwaḥsaben d tinfaliyin tizegnin neɣ d iwennan azgen-ukrifen, d tiddukla n sin yiferdisen, “azdudɣir” i yellan d ilelli, d aferdis ukrif i yesɛan tawuri s lmendad n wadda, akked “adda” i iḥerzen anamek-ines unnim ; yedduklen i iḥerrzen assaɣ anseddas ; i yellan d tinfaliyin tigejdanin deg-s, d wayen yesɛan assaɣ ɣur-s, anda i neḍfer s umata tasleḍt tasnamkant n tenfaliyin-a d usemres-nsent deg tmetti. Leqdic-a d allal ara yesskeflen wa ad iḥerrzen senf-agi n tenfaliyin (awenni d uzdadɣar) akken ur jellunt ara, akken daɣen i yezmer ad d-yili d ttawil ara yeğğen imdanen ad ssiwḍen ad xedmen lemgirda gar-asent akked lesnaf-nniḍen n tenfaliyin yecban lemtul d lemɛun imi ur llint deg-sent ɣas akken ttakkent ccbiḥa ɣur-sent. Taɣult n tefyirmant ad teqqim d yiwet gar taɣulin i ijehden akken ad d-ilint tezrawin fell-as, anida tiwwura n waṭas n teẓriyin tutlayanin yemgaraden, beddent ɣef yiswi n usileɣ n tenfaliyin tukrifin, neɣ ɣef ukala n ukarif s umata

Publié dans la revue: