Etude Toponymique Des Deux Régions De Kabylie : Ouacif Et Timizart

Résumé: Di tudert- nneɣ ulac ayen ur nes3i ara isem ama d amdan ,d aɣersiw neɣ d adeg ,imɣi neɣ d taɣawsa. Deg ukatay-nneɣ newwi-d awal ɣef wayen yerzan tasmegda,di snat n temnaḍin n tmurt n Leqbayel At Wasif d Tmizar id- yezgan di tɣiwant n Tizi Wezzu . Ngemred azal n 291(sin igiman d tzamraw d yiwen) n yismawen, sɣur yimsulɣa i nesteqsa. Deg ukatay-agi ne3reḍ ad d-nessefhem d acu-ten wawalen-agi d unamek-nsen,nebda s tbadut anda id- nefka tamukrist-a:Dacu id tasmegda?D anwa-ten wawalen-agi?Dacu i d anamek-nsen?. Syin akin nebḍa leqdic-agi nneɣ ɣef sin n yeḥricen:Tazrawt talɣawit d tezrawt tasnamkit . 1)Ixef amenzu: Tazrawt talɣawit:Deg uḥric-agi nefka-d tabadut-ines,syin ɣer-s nemmeslay-d ɣef tewsit(amalay,unti)d wannaḍ (asuf,asget)akked usuddem d usuddes d yireṭṭalen. 2)Ixef wis sin:Tazrawt tasnamkit:deg uhric-agi nefka-d anamek n wawalen-agi id nejme3,d wassaɣ yellan gar yal isem d wadeg ines(assaɣ asnamkay),anda i nessemres asegzawal n DALLET.J.M, akked yimsulɣa. Nufa-d azal ameqqran n yismawen wid icudden ɣer waman akken daɣen llan wid yesɛan assaɣ ɣer imukan ɛlayen,Iḥarqan ,amdan iɣersiwan d yimɣan. Di teggrayt n ukatay-agi nexdem anda id-nefka tiririt ɣef isteqsiyen n tezwart,anda id-nufa d akken isem yezmer ad yili d aḥerfi,neɣ d uddis ,neɣ d amarḍil.am waken nessaweḍ ad d-nessefhem anamek n yismawen s usexdem n kra n yiɣbula am usegzawal n DALLET.d kra n yidlisen. Ɣer taggara nessaram d akken leqdic-agi ad yili d amaynut i wid ara t-iɣren,akken ad bɣun ad xedmen ɣef tesmegda deg temnaḍin n tmurt n leqbayel marra akken ad ssiwḍen ad issinin amezruy d waẓar n yismawen i wakken ur tettruḥu ara tmeslayt wa ad tid teǧen i tesuta id iteddun

Publié dans la revue: