Timucuha N Lekdeb : Agmar D Tasledṭ
Résumé: Tasekla taqbaylit di zzman aqbur d timawit, d tasekla yettwannan ur tettwaru ara, tesɛa aṭas n leṣnaf: timucuha, timseɛraq, timɛayin d tmedyazt. Nextar asentel ɣef tmucuha axaṭar nufa yiwen n ṣṣenf n tmucuha i aɣ-ijebden, s ccbaha n uɣanib-ines, u daɣen ur-d elli ara tezrawt fell-as, t-igi d timucuha n teḍṣa, gar-asent tamacahut i wumi qqaren “tamacahut n lekdeb”. Aṭas n tudrin di tmurt n leqbayel i deg tt-id-ttawin, maca yemgarad wamek tt-id-ttalsen si taddart γer tayeḍ. Nekni nextar taɣiwant n uzeffun ansa i nebda agmer n kra si tmucuha-agi, nufa sin imsulɣa i d-aɣ-ten-tt-if yewwin , yiwet s ɣur Mass Ɛli Bujlil, “ Tamacahut n lekdeb”, tayeḍ s ɣur Mass k.Belɛidi “ tamacahut n lekdeb ur nesɛi awal n tidet”, Yal yiwen nerza s axxam-is i waken i d-aɣ d-yeḥka tamacahut. Deg Tubiret nufa “tamacahut n lekdeb ur tekki tidet” d “Lekdeb Imzenneqn A. Ḥammum” deg tezrewt i xedment snat n tnelmadin: Guerri Hanane d Addar Messaouda. Deg Bgayet nufa deg tezrawin ixedmen inelmaden n Master deg tsedawit-nsen : “tesɛa u tesɛin n lekdub” s ɣur tinelmadin: Ichallal Kafia, Imadalou Nadia. Nufa daɣen deg udlis n Kamel Bouamara: Tamacahut-iw lwad lwad, yiwet n tmacahut i yumi ysemma « Tamɛayt n mia n lekdeb d ukeddib”, Tella“Tamacahut n lekdeb ɣef lekdeb” id nekkes seg “internet” ɣef akken d-iban deg umawal ines n Bgayet, akked yiwet n tmacahut-nniḍen i nufa deg Youtube, tewwi-tt-id yiwet n temɣart “Lekdef fi lekdeb. tella tayeḍ newwi-tt-id ɣer Massa BELLAL. “ Tamɛayt n lekdeb” tewwi-tt-id ɣer Massa Saadi Nabila i t-id yewwin ɣer jeddi-s. S umata ngemer-d azal n 9 n tmucuha n lekdeb. I wakken ad d-nawi ugar n yisallen ɣef ssenf –a n tmucuha , nextar timlilit tarusridt neɣ tilellit. Deg tezrawt-a,nebγa ad d-nerr γef yisteqsiyen-a: - D acu i d tamacahut n lekdeb? I wacu i tt-id-ttawin? - D acu-tent tẓulay n tmacahut n lekdeb? Timucuha n lekdeb d tiwsatin n tsekla taqbaylit: nettaf-itent di tmura-nniḍen, mačči ala di tmurt n Leqbayel acu kan yal yiwen amek i tt-yessen, tecrek-itent yiwet n talɣa d yiwen usentel, ɣef waya, iḍrisen-a ḥwaǧen tasleḍṭ s teḥri i wakken ad-ten nefhem wa nefhem anamek arad- ssiweḍen deg tmetti. Tamacahut n lekdeb akken i –k yenna Henri BASSET deg udlis-is ,Essai sur la littérature des Berbères :« ttikeddibin mebla lmeɛna, sseḍṣayent, ḥekkun-tent yal lweqt deg w ass. » .Nssaweḍ deg tezrawt-nneɣ: ad nekkes tizulay i ɣef tebna tmacaahut n lekdeb: - Timucuha n lekdeb sɛant merra yiwen n wezwel. - Ṣsenf-agi yessexdam amawaln teqbaylit timserreḥt. - Ssenf-agi n tmucuha d irgazen i tent-id- yettawin s waṭas. - Tigawin ttemṣeḍfarent deg yal aḍris. - Anya n uḍris xfif. - Yiwen uwadem i yxedmen tigawin, ur yettbeddil ara. - Amawal deg tmucuha n lekdeb d ushil dimserreḥ yal yiwen ad t-yefhem s tazla. - Tanfaliyin n tazwara d tagara bnant ɣef lekdeb, neɣ ulac maḍi, ma yella nufa-tent akken llant deg iḍrisen imensayen d amalas i tent-id yennan seg tanumi. - Tamacahut n lekdeb d tawsit anda bnadem yezmer ad ibeddel deg-s akken i d-as yehwa acku d lekdeb merra, am akken ur tesɛi ara tagara, yal yiwen yezmer ad as ikemmel akken yebɣa. Md ɣef tamacahut n “lekdeb imzenneq” i yura A. HAMMOUM. - Timucuha n lekdeb sɛant tugniwin uɣanib ladɣa “le Paradoxe” d “l’Elippse », ay agi yerna-asnt cbaḥa d laɛǧeb i weḍris. - Imyagen ttilin s umatar udmawen amenzu. - Tamacahut n lekdeb i waken ad –k-tt-id yeḥku yiwen ilaq tatwilt.
Mots-clès:
Nos services universitaires et académiques
Thèses-Algérie vous propose ses divers services d’édition: mise en page, révision, correction, traduction, analyse du plagiat, ainsi que la réalisation des supports graphiques et de présentation (Slideshows).
Obtenez dès à présent et en toute facilité votre devis gratuit et une estimation de la durée de réalisation et bénéficiez d'une qualité de travail irréprochable et d'un temps de livraison imbattable!
Aucun fichier associé
Si le fichier est volumineux, l'affichage peut échouer. Vous pouvez obtenir le fichier directement en cliquant sur le bouton "Télécharger".
