L’imaginaire Dans La Poésie Féminine Kabyle

Résumé: Deg tezrawt-agi n Master id-nhegga, newwid awal s umata ɣef tmedyazt n tmeṭṭut taqbaylit acku tesɛa azal d ameqran di tmeti nnaɣ, atas n tulawin tiqbayliyin yesexdamen tamedyazt sɛadayen-t yis lwaqt deg tudert-nsent n yal ass, ttawintett-id deg tegnatin yemxalafen ama di lfarḥ naɣ di lqarḥ. Nheḍred deg usentel-agi ɣef wannawen d inumak i ɣef i d-tawint tulawin deg isefransent. Deg ixef amezwaru n tezrawt-aki nheḍred ɣef wannawen n tmedyazt i tesefray tmettut taqbaylit dayen yak icudden ɣer tudert-is n yal ass d wamek tesɛaday lewqat-is anida id senfalay iḥulfan-is, seg wannawen-agi nbedred : tamedyazt n tyemmat : annaw-agi tettawid deg-s tyemmat isefra yesedhuyen llufan-is ama deg uzezen naɣ deg userqes naɣ ashulu, tamedyazt n leḥmala: annaw-agi tesenfalayed deg-s tmeṭṭut iḥulfan-is , tamedyazt n uxxedim : deg wannaw-agi tettawid tmeṭṭut isefra mi ara txeddem lecɣal-is amedya : acewiq, tamedyazt n lfuruḥ : annaw-agi tettawid deg-s tmeṭṭut taqbaylit isefra n lfarḥ di tmaɣriwin neɣ di lfuruḥ nniḍen amedya: urar n lxalat , tamedyazt n ddin : deg annaw-agi tameṭṭut taqbaylit tettawid isefra ɣef ddin teqared deg-sen beli ddunit d lfani ilaq anexdem kan ayen yelhan i laxart-neɣ amedya deg adekker mi ara yemet umdan di taddart-is. Di yal annaw nefka-d azal n sin ar ukuz n yisefra i ten-i-d-yemmalen, d isefra id-newwi si tudrin-neɣ ama si tɣiwant n yiwaḍiyen neɣ taɣiwant n draɛ lmizan sɣur timɣarin n lbaraka. Deg ixef wis sin nheḍred ɣef isental i d-yettuɣalen aṭas di tmedyazt n tmeṭṭut taqbaylit d usugnu icudden ar yal asental, acku tameṭṭut taqbaylit tefka azal amuqran i kra n yisental tettawinten-id yal ass tcenu fel-asen aṭas ad nebder seg-sen : ccbaḥa, uguren, leḥmala, tazmart, lgira, ddin..atg Deg usentel n ccbaḥa : tcenu ɣef ccbaḥa n tmeṭṭut taqbaylit tcebatt ɣer wagur d yetran deg isefra-ines, uguren: deg usentel-agi tecna ɣef wuguren i tesɛeday di ddunit-is si mi ara d-lal alma tezweǧ, leḥmala: asentel-agi tesenfalayed deg-s iḥulfan-is ama ar wargaz-is neɣ imawlan-is, deg usentel n lgira : tewwi-d isefra ɣef wayen yakk texdem ɣef lǧal n tmurt-is imi teqim i laz d leḥfa i wakken attaweḍ attwali tamurt-is d tilelit, tazmart : d asentel anda id senfalay tmeṭṭut tazmart-is d wayen i txeddem di ddunit-is tceba iman-is ɣer tzemmurt imi tesɛa ṣṣeḥa, deg usentel n ddin : tettawid tmeṭṭut ɣef ayen yaɛnan tadyanit d nnbi muḥemed. Nessaweḍ deg tezrawt-agi-nneɣ njemɛed azal n 151 n isefra i texdem tmeṭṭut taqbaylit di tudrin-neɣ dayen umi neqqar agarruj i tutlayt taqbaylit. Di taggara n tezrawt-agi nessaweḍ nesfehmed yak tamedyazt taqbaylit n tmeṭṭut, isefra-ines d wid icudden ar tudert-ines dayen i tettɛici yal ass, nessaram tamedyazt-agi ad teqqim d agerruj i lebda ad t-id-yaf lǧil ɣef lǧil

Publié dans la revue: