Les Figures De Tropes Dans Les Manuels Scolaires Amazighes (du Secondaire) : Analyse « Morphosyntaxique Et Sémantique ».
Résumé: Tamaziɣt d tutlayt i ttmeslayen waṭas n yimezdaɣ n tefriqt n ugafa, d tutlayt n lejdud swayes ssenfalayen tiktiwin akkes yiḥulfan. Amezruy n uselmes-is yebda deg talit n umhares afransis deg Lezzayer. Tutlayt-a teḍḥa-d d taberranit seg wami tewwi timunnent tmurt n Lezzayer, imi alarmi d aseggas n 2002 i tuɣal d tutlayt taɣelnawt, ma d tunṣibt tuɣal deg useggas n 2016. Tutlayt mačči kan d ttawil n teywalt swayes i ssawaḍen medden izen, d tamagit, d lemri n wayen i ddren yimezwura, deg-s idles akked tɣerma. Ɣef waya i yella umennuɣ meqqren ɣef yidles d tutlayt n tmaziɣt i yebdan deg yiseggasen n 1940 ar ass-a. Imeɣnasen n yal tallit ttemlilin-d uguren, llan wid yeglan ula s terwiḥin-nsen. Aselmed n tmaziɣt s wudem unṣib deg tmurt n Lezzayer, yebda deg useggas aɣurbiz 1995/1996, segmi d-yella uneḥbus ɣef leqraya deg useggas n 1994. Deg yiseggasen imezwura, uguren ṭṭuqqten mačči d kra, imi tudef tutlayr ɣer uɣerbaz mebla aheyyi n wannar, ama d ttawilat ilaqen ama d asileɣ n yiselmaden. Ar ass-a n wussan mazal uquren ur nefri ara akken ad ittuṣeggem uselmed n tutlayt-a, ama dayen i yerzan ahilen, ama idlisfusen, d ayen i yeǧǧan imuzzag n taɣult ad rren lwelha-nsen ɣer wuguren-a. Lewhi n umahil-nneɣ ad yezzi ɣer yiwen n uḥric ur d-nettwabder ara deg uselmed n tmaziɣt, d aḥric n tesnukyest. Amdan mi ara d-yemmeslay, mačči yiwen n yizen i nezmer ad negzu, yella yizen i ibanen, yella daɣen yizen yeffren neɣ udrig. Tasnukyest d yiwen n ttawil swayes nettwenniɛ ameslay, yettuɣal tecbeḥ, yettelqay unamek, akken qqaren s teqbaylit “ Lmeɛna n wawal ”, imi win yettmeslayen yewwi-d ad icebbeḥ awal-is akken ad asen-yeɛǧeb i wid isellen. Taɣult n uselmed n tesnukyest n tmaziɣt xas ḥseb-itt d tilemt imi drus maḍi n yinadiyen i yellan. Lexṣas izmer ad icudd ɣer wuguren i d-tettemlil tutlayt-a. Amahil-nneɣ yerza kraḍ n taɣulin, tasnilest, tasekla akked tesnalmudt. D tasleḍt tasnilsant n usagem aseklan i yiswi n tesnalmudt. Ad d-nesmekti nexdem amahil-nneɣ s usentel: “ Tunuɣin tizalagin deg yidlisfusen iɣurbizen n tmaziɣt (Aswir n tesnawit): Tasleḍt talɣaddast d tesnamekt ”.
Mots-clès:
Nos services universitaires et académiques
Thèses-Algérie vous propose ses divers services d’édition: mise en page, révision, correction, traduction, analyse du plagiat, ainsi que la réalisation des supports graphiques et de présentation (Slideshows).
Obtenez dès à présent et en toute facilité votre devis gratuit et une estimation de la durée de réalisation et bénéficiez d'une qualité de travail irréprochable et d'un temps de livraison imbattable!
Aucun fichier associé
Si le fichier est volumineux, l'affichage peut échouer. Vous pouvez obtenir le fichier directement en cliquant sur le bouton "Télécharger".
