Les Méthodes D’enseignement De La Langue Amazighe Dans Quelques Régions De La Wilaya De Tizi-ouzou

Résumé: Gar zik d tura, aselmed n tutlayt tamaziɣt yemxallaf, zik iselmaden ṭṭafaren yiwet n tarrayt, deg-s anelmad ur yezmir ara ad d-yefk tidmi-ines neɣ ad tt-yernu ɣef wayen i dyessefham uselmad, d acu kan seg wass mi i d-tnulfa tarrayt tamaynut « anekmar s tzemmar », deg-s anelmad d netta i d amigaw daxel n tneɣri, yessebgan-d timusniwin-ines, ma d aselmad yettili amnir-ines. Deg uxeddim-nteɣ naɛreḍ ad d-nerr ɣef tmukrist-a: Anta tarrayt n uselmed i yettwaxdamen deg uselmed n tutlayt tamaziɣt? Iselmaden n tutlayt tamaziɣt ṭṭafaren tarrayt n imaṣwaḍen akken tella neɣ yal aselmad ixeddem s tarrayt-ines? Nefka-d kra n turdiwin i tmukrist n tazwara: Iselmade ssexdamen tarrayt n imaṣwaḍen. Yal aselmad yeṭṭafar tarrayt i tt-iwulmen. Ttaken-d imaṣwaḍen tarrayt iweɛren syen iselmaden ttaɛraḍen amek ara ad tt-ssifsusen iwakken ad fahmen inelmaden. Iwakken ad d-nerr ɣef tmukrist-nteɣ, nexdem anadi deg wannar, nessexdem tarrayt n yisteqsiyyen akken ad d-nejmeɛ ammud-ntɣ, anda i d-nefka i yiselmaden isteqsiyyen akken ad nẓar amek selmaden tutlayt tayemmatt deg yiɣerbazen ɣer taggara ad nṣaweḍ ad nissin tarrayt i ṭṭafaren. Anadi-nteɣ yebḍa ɣef sin yiḥricen: Aḥric amezwaru: Newwi-d deg-s awal ɣef umezruy n tutlayt tamaziɣt d umecwar n uselmed-ines deg yiɣerbazen n Lezzayer, nefka-d kra n tbadutin i wawalen igejdanen yeɛnan asentel-nteɣ; tasensagmit, aselmed, tarrayt, pédagogie,.................., akken daɣen nebder-d kra n tarrayin n uselmed yesɛan assaɣ d usentel-nteɣ.Aḥric wis sin: Nexdem deg-s asenked i wammud i d-nejmeɛ seg wannar, anda nefreq isteqsiyyen deg kra n yiɣerbazen yemxallafen deg kra n temnaḍin deg wassun n Tizi Wezzu ( Tizi Ɣennif, Draɛ lmizan, Larebɛa Nat Iraten, Meqlaɛ, Tizi Wezzu), neddem-d tiririyyin-nni i d-newwi nessexdm-itent deg tesleḍt, seg waya neṣṣaweḍ ad nẓar d acu n tarrayt i ṭṭafaren des uselmed n tmaziɣt. Ɣer taggara n unadi-nteɣ neṣṣaweḍ ad d-nini d akken tuget n yiselmaden ṭṭafaren tarrayt n umaṣwaḍ, d acu kan yella wanda inelmaden ur ṣsawaḍen ara ad fahmen, dagi iselmaden rennun-d ɣef tarrayt n umaṣwad “ Anekmar s tzemmar”, deg-s anelmad d amigaw d netta i d-ixeddmen aḥric ameqqran deg temsirin, ma d anelmad yettak-as-d afus n lemɛawna, iseɣtay tuccḍiwin-ines Akken nwala deg tezrawt-nteɣ, aṭas n iwɛewwiqen i d-ttmaggaren inelmaden, ama ayen yeɛnan afares s tira anda i ssexdamen awalen ireṭṭalen s waṭas, ttafen-d uguren deg temsirin n tjerrumt akked tirawalt, acku alma d iseggasen-agi ineggura i d-tebda tlalit-ines, i as-fkan azal i tutlayt tayemmat.

Publié dans la revue: