Lecture Mythocritique Des Chants Païens De Kabylie De Ameziane Kezzar

Résumé: Anekcum n temharsa tafṛansist ula d nettat tefka-đ afud d ameqqran i usevɣes akk d tmussni ladɣa tira akk d unadi aseklan deg tmurt n leqvayel. Maca iswi-nsen di tazwara, i wakken ad issinen timetti amek i tetteddu, ad gren tamawat akken ad walin amek i ilaq ad asruḥen. Seg wayen yerzan tmetti, imṛavḍen iṛumyen akk d tyessetmatin kkint deg ttṛevga akk d uwelleh ladɣa n tlawin akk d teqcicin , idles tullya n iɣervazen i uselmed n tutlayt tafṛansist i dyefkan akk tazmert-is i useddu n tutlayt -agi i yezzren aṭas deg timawit ladɣa d wid i d-yeffɣen seg iɣervazen iṛumyen i d tasuta tamenzwarut i ijerrden kra yellan d tasekla taqvaylit timawit si Bulifa armi d lmuhuv armi d Mεemri, Si tama n tsertit, d taṛuzi kan i teṛẓa anagraw akk d iṣuḍaf is it teddu tmurt n leqvayel imi zik d tajmaεt i iḥekmen. Kra yellan d tadɣert (wid yeɣran di tallit-nni), yis-sen i d -đ yusa kra yellan d amaynut . Gar ujerred akk d tira aneggaru -yagi yessaweḍ armi d talalit n tsekla taqvaylit tatrart " la néo -littérature " tamiḍrant -agi d yiwen n wawal i d - d yesnulfa Salem Chaker i wakken ad d-yawi awal ɣef umezruy n tsekla yeddan d uvrid n tira i tin yunfen i uvrid n timawit i yevdan tettlal -d deg yiseggasen n 1940. Azal n 50 iseggasen i deg ldin iɣervazen n Fṛansa deg tmurt n Leqvayel, tira tevda tettaṭṭaf aεeṛquv n tsekla tneqqec -it mebla astaεfu. Gar limarat n tatrarit ad -d naf : Asnulfu n umawal atrar akk d tlalit n tewsatin n tsekla tagraɣlant "Ungal ,tullist , Amezgun ,tamedyazt yuran " yal tawsit seg tewsatin-agi tettagem- d seg tsekla tamensayt . Tamedyazt tatrart tevda tettvan-d s wudem unṣiv deg tsekla taqvaylit tatrart deg iseggasen n 1940 akk d Belεid At Ɛli. Netta s timmad-is, yevda yettaru tamedyazt deg yisental yemgaraden ama d liḥala n yiman , aḥizi . Limarat tigejdanin n tamedyazt-agi d tira - ines deg yittaftaren ddsen uzzren s tira, mazal tamedyazt tamensayt tedder deg timawit tamsarit, tamedyazt yuran tevda tettexnaq –it, imi tewwi-đ aɣaniv amaynut ama si tama n isental , talɣa ,akat .Tamedyazt taqvaylit tamirant tevḍa ɣef sin n yiḥricen : 1- tamedyazt yettwacnan : " poésie chantée" tettwasekles neɣ teffeɣ -d d ammuden , seg wasmi i vdan imedyazen n lɣerva sseklasen tizlatin- nsen , Tamedyazt tamirant tufa- d avrid is deg wennar n tira akk d tudert i tefka i ccna amḥaddi. Tamedyazt taqvaylit tamirant tugem-d aṭas seg timawit, imedyazen ssisinen-d zeddmen-d seg wayen yellan d amensay ssitrirent . Amedya : deg uḍris Vava - inu-va , Amedyaz Ben Mouhammed yuɣal ɣer yiwet n tmacahut bac ad - d yeglem timetti taqvaylit n zik -nni akk d tin n twacult i yezzin i lkanun . Ben Mouhammed mačči d amedyaz amezwaru i d- d yugmen seg tumgisent taqvaylit bac akken ad d ileqqem iḍrisen- is diɣ akken ad d yini belli nekkni mačči deg lehwa taneggarut i d -d nedda , yella diɣ Sliman Ɛazem ula d netta aṭas i d -d yugem seg tneqqisin. Si tira nεedda ɣer uvrid n usuqqel akk d usmuḥyet taqvaylit d tin i izemren i yiman -is ma neṭṭef d kan Muḥya akk d Umeẓyan kezzar mačči d kra i d ssuqlen Amedya: Brassens ccnawi n isefra . Aseqdec n yinzan akk d temsaεraq deg tmedyazt taqvaylit tatrart.. 2 -Tamedyazt yuran : D tamedyazt i d-yeffɣen d ammuden tettnuzu deg tnedlisin. Iḍrisen-is sseqdacen-ten iselmaden ama deg iɣervazen neɣ deg tsedawiyin Amedya : Tafunast igujilen n Ɛmer Mezdad .

Publié dans la revue: