Étude Lexicale Des Toponymes Des Trois Villages De La Region De Maatkas (agni Bouffal, Tighilt Mahmoud, Et Sidi Ali Moussa)

Résumé: Tasmidegt neɣ ismawen n twacult cudden ɣer tmetti n wemdan, ayen iten yeǧǧan ttwaḥsaben amzun akken d iẓuṛan neɣ d later n lejdud. Deg umahil-nneɣ neɛreḍ adnawi tiririt i tmukrist iwatan ; d’acu-tent talɣiwin d tesnumaki yezmer adyesɛu yisem n wadeg ? Iwekken ad nessiweḍ ad d nawi tiririt i tmukrist-nneɣ, di tazwara nessugn-d temnaḍin i dnefren i umahil-agi (Tiɣilt Maḥmud, sidi Ali Mussa, Agni n Wuffal), nefka-d amek i d-nejmeɛ amud-nneɣ, s yenna nebḍa amahil-nneɣ d iḥricen : Deg uḥric amenzu, nessenked iferdisen igejdanen ara nessemres di tesleṭ talɣawit akked tesleṭ tasnamkit. Deg uḥric wis-sin neɛreḍ adenbeggen talɣiwin yesɣa yisem n wadeg, nuffa-d dakken yezmer ad yili d’aḥerfi akken yezmer ad yili d uddis, yesɛa ugar n tmitar(tawsit, amḍan, addad), ugar n talɣiwin n uẓar (bu yiwet n tergalt, bu snat n tergalin, bu kraḍ n tergalin, bu ukkuẓ n tergalin), nuffa-d diɣen awalen imerḍilen (si teɛrabt, si tefransist, si tlatinit) Deg uḥric aneggaru, nexdem tazrawt tasnamkit i wamud-nneɣ nuffad dakken llan wassaɣen ger yismawen n yidgan id nejmeɛ di kraḍ n tudrin (Tiɣilt Maḥmud, Sidi Ali Mussa, Agni n Wuffal) nuffa-d taktawalt, tagetnamka, talɣuɣa akked tenmegla, s yenna nebḍa amud-nneɣ d isurta ; ismawen n yiberdan, ismawen n tliwa, ismawen n lexlawi, d yismawen n tɣaltin. ɣer tagara n tezrawt-agni nessaweḍ ɣer tikti dakken tasmidegt tezmer ad aɣ-d-tefk isalen ɣef imezdaɣ imezwura n tudrin (Tiɣilt Maḥmud, Agni n Wuffal, Sidi Ali Mussa)ama d amezruy, ama d leɛwayed, ama dtutlayt…

Publié dans la revue: