Etude Comparative Des Parlers Kabyles De Mehaga (idjeur), Aït Saleh (bouzeguène) Et Akfadou (chemini) Aux Niveaux Morphologique Et Lexical

Résumé: Tamaziɣt d tutlayt yettikkin ɣar twacult n tutlayin tiḥamiyin tisamiyin ; ttmeslayen-tt deg ugafa n Tefriqt. Tamaziɣt deg-s aṭas n tentaliyin, am teqbaylit, tacelḥit, tarifit, tamẓabit, tattergit... Tebḍa yal tantala s timad-is ɣef tmeslayin. Ma neddem-d taqbaylit, ad naf deg-s aṭas n tmeslayin. Timeslayin-agi yettili gar-asent umgired, akka am teqbaylit tasaḥlit d teqbaylit n Tizi Ɣennif. I wakken ad nissin yal tanḍa, laqent tezrawin. Amahil-agi-inu ad yawi abrid-agi ; ad neɛreḍ deg-s ad nkenni gar kraḍ n tmeslayin tiqbayliyin : tin n Mḥaga, tin n At Saleḥ d tin n Ukefadu. Tazrawt-agi ad d-tawi kan ɣef uḥric n tesnalɣa d win n umawal. S unadi-agi, ad neɛreḍ ad d-nwali ayen yemgarden gar tmeslayin-agi di tesnalɣa d umawal. Nextar temslayin-agi (Mḥaga, At Saleḥ d Ukefadu) acku ɣas akken mqaraben acu kan mgaradent deg waṭas n yiswiren isnalsiyen. Nebḍa amahil-agi-inu ɣef sin yiḥricen. Amezwaru, i d-yewwin ɣef tesnalɣa, nesleḍ deg-s ismawen d yimyagen d wamek i ten-id-nessilliɣ. Nessenked-d tawsit (amalay d unti), amḍan (asuf d usget) d waddad (ilelli d umaruz) n yisem. Nessisen-d diɣ timeẓri n umyag (izri, urmir d urmir ussid). Newwi-d diɣ usuddem d useddes d ireṭṭalen. Deg uḥric wis sin, nesserwes gar tmeslayin-agi. Nekkes-d tanḍawit yerzan tasnalɣa d umawal. Deg uḥric n tesnalɣa, nekkes-d ayen yemgaraden gar tmeslayin-agi di teɣra, di tergalin, deg usalaɣ n tmeẓra, n tewsit d umḍan. Deg uḥric n umawal, nessufeɣ-d ayen yeẓdin d wayen yemgaraden gar tmeslayin-agi. Nufa-d timeslayin-agi sɛant aṭas n wayen i tent-isemgarden, aladɣa deg tesnalɣa. Ma d ayen yerzan amawal, timslayin-agi kifkif ayen i tent-izdin d wayen i tent-isemgarden.

Publié dans la revue: