Tayennirawt N Taddart N Tiferḍud At Bu Yusef

Résumé: Nessuli taggara n turagt « Taynirawt n taddart n Tiferḍud » i yekcem deg uḥric n tesnalast d tusna n tmetti i deg nesseqdec trayin unadi am tin n uglam d Tatinugrafit. Taddart n Tiferḍud tcud ɣer tɣiwant nat bu Yusef lɛarc n Micli d yiwet n temnaḍt aɛlayen s wazal n 1197 lmitrat i yeqqublen Adrar n Ǧerǧer. Nemmeslay-d deg uḥric amenzu « Aḥric n tesnerrayet » ɣef tikti tamatut degs banent-d aṭas n tiktiwin i ɣef ara bnun yeḥricen nniḍen di tezrawt-nteɣ. Deg uḥric wis sin nemmeslay-d ɣef iferdisen n trakalt n taddart am: akal, imɣan, ṭjur, iɣarsiwen, aneẓwi, nemmeslay-d ɣef umezruy n Tiferḍud nuda ɣef uẓar n wawal d kra n tedyanin id yellan deg -s. Deg uḥric wis kraḍ nemmeslay-d ɣef tɣessa n taddart nessaweḍ-d tugna iṣeḥḥan n taddart-agi s wayen tesɛa ama d iferdisen ansayen naɣ atraren deg ugama id as -yezzin. Deg yixef wis ukkuẓ newwi -d awal ɣef tudert timettitt n taddart n Tiferḍud anda id nemmeslay s telqayt ɣef twaculin d yiderma i Ɛemran n taddart-agi akken id newwi awal ɣef tuddsa n tmetti ger zik d tura ama tajmaɛt neɣ tasqamutt n taddart. Deg yixef wis semmus nwala-d tudert tadamsant nemmeslay-d ɣef wayen i xaddmen imezdaɣ n taddart ama tilawin ama dirgazen deg-s leqdicat n zik d wid n tura. Deg yixef wis seddis tudert tadelsant nemmeslay-d deg-s ɣef wansayen-is d laɛwayed - nsen. Akk tiwsatin n tsekla timawit ama d tibuɣarin, timucuha, inzan Iwakken nessewjed anadi-agi nteɣ naɛred ad nɣer kra n yedlisen yesɛan assaɣ akked d usentel-nneɣ.

Publié dans la revue: